தினமணி கவிதைமணி இணையம் தந்த தலைப்பு ! நிழல் தேடி ! கவிஞர் இரா .இரவி !

தினமணி கவிதைமணி இணையம் தந்த தலைப்பு !


நிழல் தேடி ! கவிஞர் இரா .இரவி !

விழிகளை  விற்று  ஓவியம் வாங்கிய கதையாக
விறகிற்காக மரங்களை வெட்டி நிழல் தேடுகின்றனர் !

மரம் பூ   காய் கனி  நிழல் மட்டும் தரவில்லை
மானுடர் சுவாசிக்க நல்ல காற்றும் தருகின்றது !

மரம் என்பது மழைக்கான வரவேற்பு 
மனிதர்கள் புரிந்து மரம் வளர்ப்பது சிறப்பு !

வார்தா புயல் சென்னைக்கு நிழல்  தந்த மரங்களை 
வேரோடு  வீழ்த்தி மகிழ்ந்து சென்றது !

வீழ்ந்த  மரங்களின் எண்ணிக்கையில் பன்மடங்கு 
விரைவாக புதிய மரங்கள் நட வேண்டும் !

விளம்பரத்திற்காக மரங்கள் நட்டால் போதாது 
வளரும் வரை தொடர்ந்து  நீர் ஊற்ற வேண்டும்  !

சாலைக்காக ஆலைக்காக என்று கண்டபடி 
சாய்க்கின்றனர் அற்புத மரங்களை !

ஒரு மரம் வெட்டப்பட்டால் ஈடாக 
உடன் பத்து மரங்கள் நடவேண்டும் !

நீதி மன்றங்கள் பதில் மரம் நடவேண்டுமென 
நியாயத் தீர்ப்புத்  தந்தாலும் மதிப்பதில்லை !

மரம் வளர்ப்பு என்பது அறம் வளர்ப்பு 
மானிடர்கள் புரிந்து கொள்ள வேண்டும் !

காடுகளை அழித்து வீடுகள் கட்டுவதை 
கட்டாயம் உடன் நிறுத்திட வேண்டும் ! 

தனியார் அரசாங்கம் யாராக இருந்தாலும் 
தனி ஒரு மரம் வெட்டும் முன்  பத்து மரம் நடுங்கள் !

மரம் வெட்டுதலை கொலைக்  குற்றமாக்கி 
மரம் வெட்டுவோருக்குத் தண்டனை தர வேண்டும் !  

பச்சையம் காக்க  பசுமை காக்க நமது 
பூமியில் மரங்களைக் காத்திட வேண்டும் !

மரங்களை அழிக்க அழிக்க இயற்கை
மனிதனை அழிக்கும்  என்பதை உணருங்கள் ! 

கருத்துகள்

இந்த வலைப்பதிவில் உள்ள பிரபலமான இடுகைகள்

ஒழுக்கமே உயர்வு தரும் – கவிஞர்.இரா.இரவி

மு. மேத்தா கவிதைகள் ! நூல்ஆசிரியர் : கவிஞர் மு. மேத்தா ! நூல் விமர்சனம் : கவிஞர் இரா. இரவி !