பெண்ணியம் பாடுவோம்! கவிஞர் இரா .இரவி !
கணவனை இழந்தவள் விதவை சரி
மனைவியை இழந்தவன் சொல் என்ன ?
மான பெண்ணிற்கு தாலி அடையாளம் சரி
மணமான ஆணிற்கு அடையாளம் என்ன ?
ஆண் எழுத்து நெடிலில் தொடக்கம்
பெண் எழுத்து குறிலில் தொடக்கம் !
எழுத்திலும் அநீதி பெண்ணிற்கு
அன்று முதல் இன்றும் தொடரும் அநீதி !
ஆட்டிற்கு மாட்டிற்கு கோழிக்கு பெண் என்றால் மகிழ்வு
ஆனால் பெண்ணிற்குப் பெண் பிறந்தால் ஏன் இகழ்வு !
அடுப்படியை பெண்களுக்கு என்றே ஒதிக்கி விட்டனர் !
ஆண் என்ற ஆணவத்தை சமுதாயம் நாளும்
ஆணின் மனதில் குழந்தையிலேயே விதைக்கின்றனர் !
பெண் என்றால் அடிமைத்தனத்தை நாளும்
பெண்ணின் மனதில் குழந்தையிலேயே விதைக்கின்றனர் !
பெண்ணுரிமை பேசிடும் முற்போக்குவாதிகளும்
பெண்களை வீட்டில் அடிமையாகவே நடத்துகின்றனர் !
பெண்களுக்கான இடஒதிக்கீட்டை தராமல் அரசியல்வாதிகள்
பெண்களை பல்லாண்டுகளாக ஏமாற்றி வருகின்றனர் !
.
பெண்ணின் உணர்வுகளுக்குமதிப்பளித்து இனியாவது
பெண்ணின் மனதை மதித்து நடங்கள் !
பிள்ளைப் பெறும் இயந்திரமன்று பெண்கள்
பேதைமை காட்டாமல் சம உரிமை தந்திடுங்கள் !
மோகம் தீர்க்கும் போகப் பொருள் அல்ல பெண்கள்
முக்கியமானவர்கள் பெண்கள் போற்றி வாருங்கள் !
பெண்கள் இன்றி இந்த உலகமில்லை யாருமில்லை
பெண்கள் இந்த நாட்டின் கண்கள் உண்மையிலும் உண்மை !
பெண் இல்லா உலகம் பாலைவனத்தில் மோசம்
பெண்ணை மதிப்போம் மதிப்பளிப்போம் போற்றுவோம்
கருத்துகள்
கருத்துரையிடுக